مين معايا ....
دى حكايتنا مع الدنيا والحكايه اغرب حكايه
عادى يعنى اتولدت بأيد دكتور ولا بأيد دايه
ماهى هيا هيا الحكايه ..
صرخة الم ما تهدا غير بضمة ام وكفايه
صرخة الم ما تهدا غير بضمة ام وكفايه
وهنا بداية الحكايه .. وحكايه كل بدايه
حكايه الحياه البريئه اللى بالعطاء والحب مليانه
ولا فى هم ولا حاجه شغلانا
وتلاقى نفسك فى يوم بيتقالك .. خلاص كده كفايه !!
ولا فى هم ولا حاجه شغلانا
وتلاقى نفسك فى يوم بيتقالك .. خلاص كده كفايه !!
كفايه !! كفايه ايه ؟؟ وايه الحكايه انا لسه صغير
والدنيا كبيره عليا
يردوا ويقولولك دوس فى الدنيا
دوس زى ما اخوك داس
دوس زى ما اخوك داس
والحكايه هيا هيا الحكايه
والدنيا مليانه ناس
ناس بتعرف تدوس وتمشى وناس من اول خطوه بتغرق وبتتداس
وانا واحد من اللى غرقوا وكانوا فاكرين نفسهم عايشيين
اتارى الأرض طين
ولا انا فاهم ولا هما فاهمين
اتارى الألم والحزن مكتوب على الجبين
واللى مكتوب على الجبين لابد تشوفه العين
وانا مين وابن مين
مايهمش اسامى وعنوانين
المهم انا اللى مين
انسان عايش ولا وهم حزين
انا مين
بكره الجميل ولا وهن السنيين
انا مين
انا اللى كنت فى يوم فى حضن الأيام عايش بأمان وبتمر من عمرى السنين
ولا انا اللى عايش ومش عايش ومكتوب كدب على العايشين
انا ابن الأرض منها واليها انا ..
وكنت فكرى انى حملا الدنيا فرح وغنا
انا تراب انا ومملكش من نفسى الا صوتى بدون غنا
انا مش ملكى ولا ملككم وانا مين انا ؟
انا اللى لوحدى عشت سنين
ويا دوب انا ونفسى لسه عارفين
ان الدنيا مش بالشكل ده بتتعاش
الدنيا دنيا
والعلا فيها للى فاز بحب ربه .. وفى قربه عاش
الله ينور عليكى...بجد شكرا للرب اللى ألهم...والعقل اللى فكر...والقلب اللى حس...والايد اللى كتبت.......موضوع جميل جدا بجد
ردحذفشكرا يا احمد .. شكرا لذوقك وتشجيعك يا بطل
ردحذف